RAM LEH HNAM HUMHALH

             

RAM LEH HNAM HUMHALH

Mangvunga

 

Ram leh Hnam humhalh tih thupui hi chu kan hre bel hle tawhin a rinawm, kan

hriat bel ang hu hian kan zawm ṭhalo te pawh aniang e, tun thleng thleng in kan

essay competition hrang hrang ah pawh kan chai ngun chho ta malh malh hle mai.

Ni e Ram leh Hnam hi chu alo vei awm a ni e, chuvang chuan tun ṭum ah pawh

rawn khel leh ka han tum a ni. Kan ram hi engtin nge kan humhalh ang? Kan hnam

pawh pawh hi engtin nge kan humhalh ang? Kan ram leh hnam humhalh dan tur

ṭha ni a ka hriat rawn tarlan dawn a ni.

 A hmasa in kan hnam hi engtin nge kan humhalh ang tih hi ka rawn tarlang

hmasa dawn a ni. Kan hnam hian humhalh angai nasa em em a, keini Mizo te hi

kum 2011 chhiarpui a mi nuaih 10 chuang awrh chauh hian kawng tinreng in

hnam run tu ka nei a. Tunhnai ah kan hria a hnamdang (vai) in min rawn run in

min chiahpiah nasa em em a. kum 2011 census ah phei chuan Aizawl Dristrict ah

ringawt pawh hnamdang Mizoram census a tel thei 17207 lai an awm tawh,

chhiarpui leh ah phei chuan engzat tak awm tawh ang maw? Heng cesus a tel te hi

Mizoram a rawn lut 10% pawh an tling loang tihtur hial khawp a tam an rawn lut,

hengte hi engvanga rawn lut nge? Hnathwh tur zawng a lokal anni. Heng zozai

hian Kan Mizoram pawisa hi an ramah engzat tak luhpui ang maw? Heng

hnamdang te hian hna thawh sen loh an hmu a, kan ram rohlu zawng zawng an

haw pui vek ang tih a hlauhawm, keini Mizo ṭhalai te hnathawh hreh kan ngah

luat ah heng hnamdang te hi rawn lut in kan hnam hi min rawn run mek a ni.

hnathawh hreh kan nghah tak luat vangin kan hnam dinhmun pawh a sawinghing

kan tilo theilo ang, chuvang chuan a bikin keini Mizo ṭhalai te hian hnathawh kan

hrehloh phot chuan heng hnamdang te hi kan dang thei a ni chuti-ang a kan tih

chuan kan hnam kan humhalh tihna alo ni reng mai. Hawh u ṭang leh deuh teh

ang u khai.

 Tin Mizo ṭawng kan tih mai Duhlian ṭawng pawh hi tunhnai chho ah humhalh

a ṭul hle bawk awm e, Mizo ṭawng hman uar ila, keimahni ṭawng ngei a sawi theih

chin tal ah hi chuan han hmang uar hram hram ang u. Pu Siamkima Khawlhring in

“ Rih dil bo hun hun chu kan nihna leh pianna ram kan hloh hun tur” a ti ang

bawkin he kan ṭawng a bo hun hun chu kan hnam boral hun tur niin ka hria.

Mahse kan Mizoramah hian hnam chi hrang hrang kan cheng a, Duhlian ṭawng

pawh hi kan hmang vek kherlo ang, chuvang chuan Duhlian ṭawng hmang ho pawh hian Duhlian ṭawng rinpui bera hmang lo hi en hrang hleilo ila, kan za vai

hian unau vek kan ni tiin lungrual takin kan hnam ṭawng hi I humhalh hram hram

ang u.

 Zirlai te pawn lehkha kan zir dawn anih rau rau chuan theihtawp chhuah tak

meuh meuh I zir ang u, ka hriat sual loh chuan Mizoram IAS inziak tling hnunung

ber Grace Lalrindiki Pachuau 2014 niin ka hria, ṭan lak kan va ngai nasa em.

Tunhnai Mizoram aṭanga UPSC kan tlin dan hnuhnung han en thuak thuak ila:

1. IAS=2013-14

2. IPS=1995

3. IFS=2013

4. IDAS=2014

5. IRS=2013

6. IPS(Postal)=1999

7. SSC CGL=2017

Hetiang hi kan dinhmun a nih tawh avangin kan ṭhalaite ngaihtuahna thar kan

hman a hun tawh hle, kan ṭhenawm state ten chawl lova central officer an neih

belh laiin keini hi kum tam tak kan nil tawh a, tun dinhmuh ah hian 51 vel bak

central officer kan nei tawh meuh lo. Keini Mizote hi central service lama kan luh

tlem a kan ṭhenawm state te an luh hnem si chuan kan hnam min chim ral theihna

a ni ve tlat. Amaerawh chu heng ka sawi tak te hi mi zawng zawng tih theih a ni

lova thiam bik leh thei bik nih angai, kei ngei pawh in a ka tlinloh tur te anni

hlawm, mahse heng hna te hi kan thiamna in a phaklo pawh a ni thei amaerawh

chu tih theih ve tawk mahni theihna zawn zawn ah chuan kan nei ṭheuh, lehkha

kan thiamlo anihpawh kuthnathawh te pawh kan chem kalna zawng alo ni mial

maithei asin, tun hnai Assam nen kan ramri buai chungchang ah te khan Mizote

kan intodelh loh zia alang chiang hle awm e, he kan hripui hmachhawn mek aṭang

pawn lo neitute hlutna chiang thar leh hle awm e. Intodelh loh chuan Ram leh

hnam pawh hi alo vei tak tak theihloh, heng kan hnam te humhalh tur chuan kan

intodelh hmasak phot angai a ni, intodelh tur chuan kan taimak a hnathawh hreh

neihloh na nun bawk ka mamawh a ni.

 Keini ṭhalai a bikin mipa te hi hian kan hnam humhalh kan duh anihchuan nasa

taka insiamthar kan ngai a ni, anihchuan kan hnam hi a boral thuai dawn! Tunhnai chho ah mipa ṭhalai kan thih

nasat ziah hi ngaihtuah tham a tling, kan ziaktu lar Pu Vanneihtluanga’n a youtube

channel ah meuh “Mipa nun tawi lutuk ngaihtuah angai e” tih a rawn chhuah hial

a nikha. Khata a sawi ah phei chuan tehkhin nan a veng a rawn hman Life

Expectancy Rate kha 57 anihkha, kha veng Life Expectancy Rate khan India Life

Expectancy rate 2020 69.27 kha nasa takin an phaklo a nih kha, kha veng

entirnnan a arawn hman vek ah khan kum khat a an veng chhung a boral zat chu

33 niin mipa te 26 leh hmeichhia 7 annih kha. Keini Mizo mipa te hian kan

ngaihtuah angai deuh lo maw? hetia ruihhlo bawih a kan tan vek mai a, kan liam

zung zung mai chuan kan nula te hian khawi a pasal nge an neih tak ang?

Hnamdang neih mailoh chu an tan tih theih vak a awmlo. Hetiang a ruihhlo kan

tlan nasat lutuk chuan nupui fanau neiin chhungkua pawh din tehreng pawh ni ila

kan hmalam hun tur chu a englo in a thim em em mai tih a lang chiang nghal em

em mai, pa ber in chhungkaw enkawl aia ruihlo a thlan zawk tlat si avangin nupa

kan hlim loang a, inṭhen na hial te pawh a thleng ta ve ang. Chutiang hunah chuan

kan fate hmalam hun tur te han ngaihtuah hian an tan kawl a eng mawlh lo,

chhungkaw kehchhia aṭang a sei lian na na na tihdan te chu a zawm lo theilo awm

silo a, chhungkaw kehchhia aṭanga rawn chhawr chhuak te zawng zawng anni ka

tihna erawh anilo. Chung thil te te aṭang chuan kan hnam hian boral kawng kan

zawh alo ni reng thei, Chung chuan a hnam boralna khur a min tlukluh pui hmain

hian kan harh a ṭul a ni . Tunah hian kan hnam a boral mek mahse ala siamṭhat

theih khua a tlai hma ngei hian keini Mizo mipate te hi kan inngaihtuah fin vat a

kan hnam kan humhal ava ngai tehreng em.

 Kan hnam mai nilo kan ram chhung a thing leh mau nungcha te hlei hlei hian

humhalh an van ngai tak em, Mizo te hian kan Ram neichhun hi kan hmangaih

tawk lo emaw tih mai tur khawp in kum tin kan tikang duai duai a, heng kan ram

tih kan hian harsatna tam tak min rawn thlen a, harsatna pawh kan la tuar dawn

chauh niiin a lang. Forest Surveyed of India chhinchiah danin India rama ram

tikang nasa ber chu North-East state te hi ka ni a, North-East state ah pawh

Mizoram hi ram tikang nasa ber kan ni. April 20-26 inkar khan FSI chinchiah danin

Mizoram hmung hrang hrang 2671 laiah kangmei a chhuak, hengte han ngaihtuah

hian tuna kan harsat na tawh mek tui harsat na te hi kan tawh tur awm reng niin

alang. Tun aṭanga sustainable development hi kan kalpui lo anihchuan kan tu leh

fa lo la awm tur hian enge an ei in an in tak ang?

Kan tui hnar kan ti bawlhhlawh nasa lutuk leh kan humhalh lo lutuk pawh hi kan

vei a ṭul takzet. May 23, 2021 DD News Mizoram in feature story an rawn siam

aṭang hian alang chiang hle awm e, he feature ah hian Aizawl khawpui chawmtu

ber Tlawng hi kum tin 6% zel in a kang tih ka hre thei, chu mai a ni nem 29 april

2019 Tlawnga tui luang tam lam chu litre maktaduai 70 niin chu chu 2019 a tlem

ber ṭum a ni, kum 2020 April ni 1 vekah chuan litre maktaduai 65 ni leh in heihi a

tlem lai ber a ni leh bawk a, tin tun kum 2021 April 19 khan litre maktaduai 31 a ni

ta mai, Tlawngah hian tui pump turin tui litre maktaduai 80 vela awm reng angai

kumin ṭhalah chuan tui pump tur mamawh chanve pawh a awm tling ta lo tih kan

hre thei ang, PHE department chuan tunah hian Aizawl ah hian mipui 40000 vel

hneah tui sem tur angin chhut a, tuna tui pump theih zat aṭanga chawhrualin,

nikhatah mi pakhat hnehah tui litre 40 vel zel pe ang an nih thu leh mipui

khamkhawp a nih loh thu an sawi tih 30 March 2021 Vanglaini aṭang kan hre thei,

mihring dam khawchhuah nana pawimawh ber te zing ami hetiang taka kan

tlachham chho ṭan ta mai hi keimahni hian kan dimdawi tawk loh vang a ni a,

tunah hian insiamṭhat na hun ala awm lai hian kan harchhuah vat a kan tuihnar

kang chat lek lek hi kan tuaihnum thar a ngai hle a ni, hetiang zela kan kal chuan

tun aṭang a kum 5 ah khawi a tui nge kan hman tak ang? Kan Zoram ‘Chawlpial

run I iang e’ ti a kan chham ṭhin kha chenna tlak loah kan chhuah mai dawn em

ni?

 

4th May 2021 Vanglaini daily news paper a ka thil chhiar chuan min va tilawm

kher em “Project save tlawng Lunglei ṭhalai pawl te chuan Tlawng lui, a bikin a

hnar lam humhalh kawngah hmalakna mumal zawk neih ṭulin an hria a, 22nd April

2021 khan mumal zawk neih theih nan group an din hial a, Project Save Tlawng a

lo piang ta, Member pawh 500 bawrin an zawm der tawh a ni, an zawm belh zel

pawh a rinawm, lo lian thur thur rawh se” tih thu ka han chhiar zet kha chu ṭha ka

ti narawh e, hetiang pawl hi din belh zel se a duhawm khawp mai, lo din zel rawh

u mipuite pawh hian kan thlawp zel ang che u tih hi ka ring tlat a ni. Tun aṭang

hian kan humhalh loh chuan kan tui hnar te hian min kang san mai dawn,tunah

hian kan harh a kan tuihna te leh ramngaw te humhalh hi I uar thar zel ang u.

Heng kan lui tui te kan tuihna te humhalh hi mihring rawn ṭhan chhoh zel nan a

pawimawh em em a, India sawrkar laipui ngei pawhin a humhal nasa em em a

Indian Penal Code section 277 ah phei chuan mi tupawhin ama duh ang ngei a

vantlang tuikhur emaw tuipui tlan ṭhin tibawlhhlawh a nih chuan hremna thla thum chhung tantir emaw pawisa chawitir emaw a pahnih a hrem kawp theih

anni tiin a in ziak a nihkha.

 Tun hnaiah Gauhati High Court Bench chuan January 27 2021 kha Mizoram lui

kam 16 tuak a ram metre 800 humhalhna dan kum 1965 aṭanga hman tawh chu

ṭhiahna thupek an rawn chhuah a, he court order ah hian Central Young Mizo

Association chuan leh pa chan changin khin let an tum a, kan lui kam te

pawimawh zia hria a CYMA an rawn che hi an fakawm in an chhuanawm tak zet a,

nu leh pa nih an tlin ngei mai.

 Kan hnam kan humhalh theih na tura pawimawh em em pakhat chu Ṭanrualna

na hi a ni. Kan hnam kan inpumkhat a kan ṭanrual phawt chuan eng harsatna lian

tham pawh lo thleng se kan ṭanrualna in kan hneh theih tlat hi ka ring a ni.

“Ṭanrual hi chakna” kan tih kha maw. Hemi kawng ah na na na hi chuan keini

Mizote hi kan inlungrual ve na pawl tak niin ka hria, heng hnam issue chi hrang

hrang Chakma issue, rambi buai ah te hian kan ṭangrual thiam in he thil hi

chhawmnun zel pawh aṭha in kan tih makmawh a ni. Kan hna humhalh nana thi

ṭul ber pakhat a ni si a.

 Keini mizo te hian heng kan sawi tak, Zirna, Thing leh mau te kan tuihna te kan

humhalh a, ruihlo kan thlah a, kan hnam ṭawng te kan humhalh ṭhat a, hnathawh

hreh kan neihloh phot chuan kan Ram leh hnam kan humhalh nghal tihna a ni.

Hengte hi kan zawm ṭhat phot chuan engtikah mah kan ram leh hnam hi a boral

ngai loang tih hi ka ring tlat a ni. Hawh u ram nuam zawk I siam ang u hmiang